2023-2024 ուստարին մեկնարկում է «Ուսումնական ամառ» նախագծով, որի շրջանակում սովորողներն ամփոփելու են իրենց ամառային ուսումնական աշխատանքները:
Ժամանակահատվածը՝ սեպտեմբերի 1-10-ը
Մասնակիցները՝ 4-րդ դասարանցիներ
Նպատակը՝ ամառային ուսումնական գործունեության ամփոփում:
Խնդիրները՝
- սովորողի գրավոր և բանավոր խոսքի ձևակերպման, հստակ արտահայտման հմտությունների մշակում.
- ինքնարտահայտման կարողության զարգացում.
- ստեղծագործական, քննադատական, տրամաբանական, նկարագրական, վերլուծական մտածողության զարգացում.
- ժամանակակաից տեխնոլոգիական հմտությունները կիրառելու և զարգացնելու կարողություն:
«Ուսումնական ամառ» նախագիծն ընդգրկում է հետևյալ թեմատիկ ուղղությունները՝
- Իմ ամառային արձակուրդը
- Ես կարդում եմ…
«Իմ ամառային արձակուրդը» թեմատիկ աշխատանքի ժամանակ սովորողը գրավոր կամ բանավոր պատմում է իր ամառային արձակուրդի մասին: Բանավոր պատումը կարող է ներկայացնել տեսագրությամբ կամ ձայնագրությամբ: Գրավոր կամ բանավոր պատումը կհրապարակի բլոգում՝ կից լուսանկարով:
Կարող ես օգտվել օգնող հարցաշարից:
- Պատումդ սկսիր քո մասին պատմելով: Ո՞վ եմ ես:
- Որտե՞ղ, ինչպե՞ս և ո՞ւմ հետ եմ անցկացրել իմ ամառային արձակուրդը:
- Ամռան ընթացքում ի՞նչ նոր բան եմ սովորել, իմացել, բացահայտել:
- Մեկ բառով բնութագրիր, թե ինչպիսին էր ամառը:
- Պատումդ վերնագրիր, հրապարակիր բլոգումդ, նշիր «Մայրենի», «Ուսումնական ամառ» բաժինները:
2. «Ես կարդում եմ…» ընթերցողական շուրջտարյա նախագծի շրջանակում սովորողն իր բլոգում պատմում-ներկայացնում է ամռան արձակուրդի ընթացքում ընթերցած գիրքը կամ գրքերը:
Ամփոփումը՝ դասավանդողի բլոգում, ենթակայքում, կայքում:
Կարող ես օգտվել նաև ֆիլմադարանից: