Է՜յ կանանչ ախպեր,
Է՜յ ճանանչ ախպեր,
Արի՜, քեզ հետ բե՛ր
Արևի շողեր.
Բեր անուշահոտ
Ծիլ, ծաղիկ ու խոտ,
Կարկաչուն վըտակ,
Երկինք կապուտակ,
Խատուտիկ հավքեր,
Զրընգան երգեր,
Գառների մայուն,
Խաղ, ուրախություն․
Է՜յ կանանչ ախպեր,
Է՜յ ճանանչ ախպեր։
1907
Առաջադրանքներ
- Ուշադի՛ր կարդա բանաստեղծությունը։ Ո՞ւմ է դիմում հեղինակը։
- Բանաստեղծությունից դուրս գրի՛ր անհասկանալի բառերն ու առցանց բառարանի օգնությամբ բացատրիր:
- Բանաստեղծության մեջ ինչպիսի՞նն են ծիլը, ծաղիկը, խոտը, վտակը, երկինքը, հավքերը, երգերը:
- Տարվա ո՞ր եղանակն է կերպավորված բանաստեղծության մեջ։
- Ըստ հեղինակի ի՞նչ է բերելու իր հետ կանանչ ախպերը։ Դո՛ւրս գրիր համապատասխան տողերը։
- Ըստ քեզ ի՞նչ է բերելու իր հետ կանանչ ախպերը։
- Ի՞նչ տրամադրություն է հաղորդում բանաստեղծությունը։ Ի՞նչ գույնով կներկեիր այն։
- Նկարի՛ր բանաստեղծության հերոսին։
- Գարնանային մի հրավեր էլ ինքդ գրի՛ր։
- Հորինիր: Ի՞նչ պատահեց, երբ գարունը քաղաք մտավ: