«Կրթահամալիրի տոն. Սեբաստացու օրեր»
Մասնակիցները՝ 4-րդ դասարանցիներ
Ժամանակահատվածը՝ նոյեմբերի 1-30
Նպատակը՝ Սովորողների, նրանց ընտանիքների կրթահամալիրային (կրթական, ուսումնական) գործունեության միջոցով ֆիզիկական և մեդիա միջավայրում հասանելի (հրապարակային), հասկանալի (ընկալելի) դարձնել կրթահամալիրի գործունեությունը, պատմությունը, մանկավարժական մոտեցումները (մեր այլընտրանքը):
Խնդիրները
- Անհրաժեշտ տեղեկություններ (ինֆորմացիա) հավաքելու հմտությունների ձևավորում:
- Հարցեր մշակելու, հարցեր տալու ու հարցերին պատասխանելու հմտությունների ձևավորում:
- Ստեղծագործական երևակայության զարգացում:
- Տեղեկատվական բնույթի տեքստի ընթերցանության ու քննարկման կարողությունների զարգացում:
- Հետազոտական, վերլուծական կարողությունների ձևավորում ու զարգացում:
- Մեդիահմտությունների զարգացում (բլոգավարություն):
- Տեխնոլոգիական հմտությունների զարգացում:
Նախագծի ընթացքում նախատեսվում է (ակնկալիքներ, արդյունքներ)
Պատումներ, ուսումնասիրություններ, հարցազրույցներ, ռադիոնյութեր
- Ո՞վ է Մխիթար Սեբաստացին. ուսումնական փաթեթ
- Ծանոթացում կենսագրությանը, գործունեությանը
- «Մխիթար Սեբաստացի» կրթահամալիր. ինչպես սկսվեց ամեն ինչ. հարցազրույց Աշոտ Բլեյանի հետ
- Ո՞վ է Մխիթար Սեբաստացին
- Ո՞վ եմ ես. իմ անվան ու ազգանվան պատմությունը
- Իմ սեբաստացի ուսուցիչները
- Իմ դպրոցը
Թթուդրեք
- Թթու բառով կազմել աքրոստիկոս,
- Կազմել թթվի, թթվային բանջարեղենների անձնագիր:
- Հորինել գովք, պատրաստել գովազդային տեքստ թթվի կամ բանջարեղենների մասին:
- Հորինել պատմություն «Թթվաստանի» մասին:
Նախապատրաստվել ցուցահանդես-վաճառքին
Նախապատրաստական աշխատանքների ընթացքում պատրաստել պիտակներ թթվի տարաների համար: Դրանք են՝ գովքեր, գովազդներ, անձնագրեր:
Ընտանեկան նախագծային աշխատանքներ, որնք կարող են լինել խոհանոցային, տեխնոլոգիական:
Նախագծի իրականացման ընթացքը (ընդհանուր նկարագրություն)
Սովորողները, օգտվելով տեղեկատվական տարբեր աղբյուրներից, ծանոթանում են Մխիթար Սեբաստացի գործչին, «Մխիթար Սեբաստացի» կրթահամալիրի ստեղծման պատմությանը: Ընթերցում-քննարկումներ (նաև՝ առցանց) են կազմակերպվում վերը նշված թեմաների շուրջ: Սովորողները տարբեր ուսումնասիրություներ են անցկացնում ընտանիքում, կրթահամալիրում, հարցազրույցներ են վարում, ռադիոնյութեր են պատրաստում, որտեղ ներկայացնում են ամենասեբաստացիներին, սեբաստացու այսօվա կերպարի մասին ունեցած իրենց պատկերացումները: Ծնողները, մասնագետ դասավանդողները, ավագ սեբաստացիները վարպետության դասեր են անցկացնում՝ կրտսեր դպրոցականներին փոխանցելով իրենց մասնագիտական հմտությունները: Ծնող ու սովորող մասնակցում են համերգների, ցուցահանդես-ցուցադրությունների, որտեղ ներկայացնում են իրենց աշխատանքները, ունեցած ձեռքբերումները: Ուսումնասիրության արդյունքները, իրենց պատումները, հարցազրույցները պարբերաբար հրապարակվում են բլոգում, ենթակայքում, կայքում:
Հիմնական աշխատանքային ուղղություններն են՝
- պատումներ, հարցազրույցներ, ստեղծագործական հնարքներով աշխատանքներ, մեդիաստեղծագործական աշխատանքներ.
- երկրագործի օրեր՝ լավաշթխիկի, թթուդրեքի ծիսական նախագծեր.
- բացօթյա ընթերցումներ
- հանդիպումներ ժամանակակից գրողների հետ. մանկագիր Արմեն Գրիգորյանի հետ հանդիպմանն ընդառաջ
- համագործակցային նախագծեր
- նախապատրաստություն ցուցահանդես վաճառքին:
Նախագծի ամփոփումը բլոգներում, ենթակայքում, կայքում:
Ամփոփումը՝
Պատւմներ, ձայնագրություններ
Թթուդրեք. ստեղծագործական աշխատանք
Նախապատրաստություն ու մասնակցություն սեբաստացիական ցուցահանդեսին
Համագործակցություն