Մարտի 25-ից 31-ը գարնանային արձակուրդ է: Այս ընթացքում «Ուսումնական գարուն» նախագծով ենք աշխատելու:
Մասնակիցները չորրորդ դասարանի սովորողներն ու նրանց ընտանիքներն են:
Նպատակը՝ ընտանեկան, անհատական ստեղծագործական նախագծերի իրականացում։
Խնդիրներն են՝
- Սովորողների անհատական կրթության կազմակերպում
- Ընթերցասիրության խթանում
- Ստեղծագործական երևակայության զարգացում:
Բովանդակային ուղղությունները՝
- Գարնանային ընթերցանություն: Սա շուրջտարյա ընթերցողական նախագիծ է: Սովորողները կարդում են ողջ տարվա ընթացքում: գարնանային արձակուրդի ընթացքում շարունակում են ընթերցել իրենց նախընտրած գրքերը, կամ օգտվում են առաջարկվող ցանկից:
- Զատկական ընթերցարանի ստեղծում: Այս նախագծի շրջանակում սովորողները ծանոթանում են Սուրբ Հարության տոնին, կատարում են լեզվական, ստեղծագործական, նկարչական տարբեր աշխատանքներ: Աշխատանքներն ամբողջական փաթեթներով հրապարակվում են: